Realone- Paaaaardey- Weekend

huiuiuiuiuiuiuiui..... iz isches schowieder morn u ig bi immer no vorem Computer anstatt dassi scho lang im Bett wär (woni ja reeeeeeeeeeeeeeeeeintheoretisch definitiv dringend häreghöre!)
Aber ig chas iz aso nid la sy, zersch hie no chli öppis z verzelle über das Weekend wo ja würklech dr absoluti Hammer gsy isch!!!!! *goiss*

aso... am Samstig morge bini uufgstande u ha eiglech afe mau wöue mini Verantwortig als wandelnds Weckgrät wahrnäh... aber da chasch de, wenn dr ander z Natel abgstellt het....! Maaaan... ;) aber ja... när hani mi mau az packe gmacht u ghoffet, ig vergässi nüt (hetsech de als Reinfall usegstellt... ha nämlech nid nume öppis vergässe... aber zu däm speter)
aso,... ig ha packt u so uf die 10ne bini uf Thun a Bahnhof pedalet mit mim coole Velo, Rucksack und Schlafsack.... am drüü ab zähni isch de mi Zug y richtig Bärn gfahre... öppe drüü minute bevor dr Zug iigfahre isch, ischmr schomau iigfalle, dass mini Würstli, wo sich rein theoretisch y mim Rucksack hätte sölle ufhalte, sich immer no im Chüelschrank dehei befinde.... tolle leistung!

hani dänkt guet, gani haut de unterwägs no ga e Wurscht choufe... z Bärn hani när mau ir Unterfüehrig e Lade gsuecht wome soöppis wie e Wurst chönnt choufe... aber gloubsch I heig soöppis gfunde? Chasch dänke... drum bini haut wieder drii y dä gliich Zug wüu dä isch ja no wytergfahre bis Olte... dert hani du es Aperto gfunde u mini Wurst kouft! :D

när bini da mau mitem Zug wyter y richtig Aarau abdampfet u när mit dr WSB bis uf Schöftland... dert hani afe mau müesse usefinde, dassme z Billiet bim Chauffeur muess choufe u nid ame chaschte... ;) aber isch ja o easy gsy... när bini mit däm Bus no bis Schlossrued Dorf wyter u dert hani mau nach Ballön uusschou ghaute... aso... ganz am aafang hani ja ke einzige Ballon gseh! aber wo du dr Bus wäg gfahre isch hani sogar e riiiiiiiiiiiiiiiiiiiiiiiiiesige Huuuuufe vo Ballön entdeckt! *goiss*
när hani ja nidemau müesse ufeloufe! ig ha grad so perfekts Timing gha, dass grad dr Uriel u dr Papa Seibert mitem Outo sy cho u die hei mi grad mitgnoh! seeeeeeeeeeeeeehr edel! :D

guuuuet u de isches de dert mau losgange mit 1. Näme lere! 2. sich y däm grosse Huus nid verirre! ;) aber bi gaaaaaaaaaanz es schnäus gsy! :D

ja, ig ha ja eiglech scho im Zug chli öppis gschnouset gha, aber ha du glich no mit de Leuts wo scho dert gsy sy chli öppis zmittagnet u scho gly sy o scho no meh lütlis cho u es sy immer meh und meh worde! :D

mir hei du irgendwenn mau e verlagerig vorgnoh ufe Sportplatz abe u hei so zimlech dr ganz nami dert chli sport gmacht u plöiderlet! :D
*goiss* ig ha d Deborah zum eeeeeeeeeeeeerste Mau gseh, sooooo coool! menschmenschmensch, hätti äuä o nie dänkt... *hehe* aber uf jede Fau uh cool!

zum Znacht heimr när Baaaaarbikiuuuuu gmacht und das het o gfäget! ah und my abla isch ono cho *meeeeeegafreu!*

nachem baaaaaarbikiuuu heimr worshipzit mit stainless gha. Ig ha haut d Lieder ni so kennt... u drum hanis nid ganz esooo toll gfunde, aber sie heis guet gmacht! u ja... när heimr no e Film gluegt... a walk to remember... mensch wie mängishc hani dä iz äch scho gseh... *hihi* aber ja... isch immer wieder schön.....

irgendwenn am morge am haubi drüü oder so hani du o mi wäg iz bett gfunde nach ändlose gsprächlis über aues mügleche... :D u ig ha herrlech pfüüselet, chani nech säge! bis uf d tatsach, dassi plötzlech ha festgstellt, dassi mis geliebte Pijama ha vergässe dehei.... tja....

Sunnti morge isch natürlech ono einisch dr totaaaaal Hammer gsy!!!!! Dr Jackob Wampfler isch gsy cho vo sim Läbe verzelle; extreeeeeeeeeeeeeem iiiidrücklech waser erläbt het u vorallem uuuuh henne dr hammer wieners verzellt het, hetmi rächt berüehrt u bewegt gha!!!!!

dank oder wägem räge besser gseit, symr när zum zmittag dinne gsy u heis nomau eifach uh cool gha mit egsdreeeem cooler gmeinschaft.... (mir hüehneriitue spiele und so weiter und so fort,.....) u iiirgendwenn o schreck hets scho gheisse, mir wäre am ändi vo däm Weekend *wein* uf jede fau bini irgenwenn wieder z schöftland und speter z aarau glandet (Dasmau nid allei! *Freeu*) und ja.... z Aarau heimris nomau so richtig gmüetlech gmacht.... die einte sy zimli sofort, die andere chli speter ufe zug verschwunde bis nume no zwöi usem bärnerkantööndli und gleis7 benützerli übrigblibe sy... ;) isch aber no chillig gsy dert z höckle und z luege wie d lüt verbiiloufe... *höhö*

mini Reis het du über Olte - Solothurn- Biel - Lyss - Münchebuchsi - Bärn -Thun bis zu mir heigfüehrt... u iz hocki ume vorem PC u sött nämlech iz sofort iz bett!