ääächz dä Tag....

hm... aso da ig gester wiederemau zure einigermasse aaständige Zit dr Wäg y mis schöne weiche Bett gfunde ha, hanis hüt morge fertig bracht, zure einigermasse aaständige Zit wieder uufzstah! :D aber schliesslech hani o e Grund gha zum Uufstah, schliesslech bini offiziell private wandelnde Weckdienst vo Rubä gsy hüt morge... *höhö* e Morgemuffu am Telefon z ha wener ersch grad uufgweckt hesch, u de ersch no am drüü ab haubi nüüni, wenner gseit het am sächsehaub ab haubi söui aalüte... üüüüh, ig sägenech... es schön risiko! *hehe* aber isch uf jede fau immer wieder cool miteme Morgemuffu z telefoniere.... aso ja.. villich nid mit jedem.... *lol*

ja u när bini mau mit mim Velo uf Uetedorf gradlet zum Herr Dokter... ga luege was dä zu mim Ohr meint.... syg aues ume guet heter gfunde... :))))) bini ja schono froh....

aber hm... z aueridümmste isch mr iz grad passiert (Panne des Tages!!) Bini doch äxtra no uf Thun gradlet zum id Stadt ga iichoufe.. u was machi???? ig la eifach mis Portmonee mit Gäud u Chärtli und allem dehei ufem Tisch lige... supaaaa... da chasch de ga iichoufe...... *grr* aber ja... iz schiffets wieder u usserdäm mahni ehrlech nid nomau uf Thun fahre..... *bäääää* morn de......

Ach hüt morge isch ja sooooooo härzig gsy! ha e Brief übercho us dr Kita (dert woni iz de ga ga schaffe)..... sie hei gschribe, sie freui sich sehr uf mi und ig söll doch no e Steckbrief mache, dass sie mi afäng chönne kenne lere! *sweeet* och, ig freuemi ja soooo mega uf die Zit!!! :D