afemau hoi....

hallo Lütlis... aso, ig ha nämlech iz vori grad dänkt, eiglech chönnt ig doch o no modern wärde... dr modern Mönsch het ja hützutags e Blog, oder?? aaauso, u wüu mini News uf mire Page es biiiiirebizeli schlächt bedient sy, wüus äbä es pööö umständlech isch, hani dänkt, ig machi iz da mau e Blog u de gits de vermuetlech e chli flissiger mau es paar würklechi News... :D

u wäääär weiss... hani plötzlech doch no Zit u närve zum HTML lere u de gits de villich mau sogar e säuberbastlete Blog, wär doch ono öppis... :D *goiss* aber ja... iz begnüegenimi ämu afe no mit somene pseudodings da... bi haut nid grad ganz esoooones schlaus was Internet aageit.... (aues het sini Gränze...)

Hm.. aso aber was isch gnau neu im momänt??

z Neuste vom neue:
Steff het Matur bestande miteme Schnitt vo 4.88 oder 44 Notepünkt! :D bi absolut egsdreeeeem zfridä! Danielle u Fäbu wo die beste Abschlüss gmacht hei hei es 5.66, d Tabea 5.61 und d Mirä 5.5 aus Abschlussnote! :O aber ganz ehrlech.... isch zwar cool, weme soooo guet isch... aber viu bringe duets o nid... *hihi* houptsach MATUR! *goiss*

Iz machi no es bizeli oder sägemr gaaanz viu Ferie! Am 2. Ougust fahni när de ir Chindertagesstätt vom Insuspitau aa schaffe, mache der es Jahr lang es Praktikum u fröiemi im fau esooooooooooooooooooooooooooo uuuuh henne fest uf d Knirpse vom Zwirbuhuus (Das isch die Gruppe woni äbä de schaffe)

Wies nächärdene wyter geit? Aso, sowit iig weiss fahni nach däm Praktikumsjahr de d Uusbildig zur Sozialarbeitere aa... aber äbä... sowit ig weiss... villich gits plötzlech wieder e Änderig u ig wirde iiiirgendöppis anders... *hehe* bi mir weissme ja nie.... dir wärdets sicher irgendwenn no erfahre... ha ja schliesslech iz e Blog! :D

ja... gloube das isches afe mau so vom Neuste....
so long....