Chrippe- Zitat

aso... due da gloub nid z viel Näme nenne... schliesslech stahni ja iz unter Schwigepflicht! *huch* *mundhalt* machis haut so..... :D

S (4): I rede luzärndütsch, wül i bi ebe z Luzärn ufgwachse!
Karin: dini Eltere sy z Luzärn ufgwachse....
S: nei, mi Papi isch z Wilisau ufgwachse!!
Karin: aber dis Mami isch z Luzärn ufgwachse!??
S: Nei!!!!
Karin: wo de?
S: bim Grosi! Mi Papi isch z Wilisau ufgwachse und mis Mami bim Grosi!.....

Kathrin: lue, die schöne Mohnblueme.... die schöne rote Blueme dert, das isch Mohn, gsehsch??
L (4): Monbijoux!??

Mir mache grad es Kreisli und d Karin muess de Chind erkläre, wieso üses einte Müüsli gstorbe isch....
Karin: vilich isch z Müsli o scho chli alt gsy.... es Grosimüüsli....
L (4): aber gäu... mängi Grosis sy ou no guet??

mir sy grad ufem Friedhof am spaziere.....
S (4): was muessme mache, dassme sone Tafele überchunnt??? (är meint e Grabstei)

mir hei ar Kathrin Chinoguetschiine gschänkt zum Geburtstag u de chind erklärt was das isch.
S (4): es git o Windleguetschiine!

C (3): Stefanie, du bisch de gester mit mir ga bade!
Steff: ah ja bini?
C (3): ja u du hesch id Windle biselet!!!!

Kathrin: Soooodeli, iz chöi mir dir grad d Windle abzieh!
C (3): neeeeeeeeeeeeeeei!!!!!!!! süsch wirdi grad verrruckt!!!!
Kathrin: de wirsch haut de verruckt... isch mir de glich...
C (3): ig duedi de iz wasser schiesse!!!!

Steff: wo isch de dini Nase??
H (2): Nei!!!

K: mir müesse de im fau no ganz viel Gasballön uufblase für z Fest!
T: ah, u wo düemr die när häre??
K: eh, öppe ane Boum binde oder so....
T: ja guet... när flügt plötzlich dr Boum dervo....!

Rückblick uf Wuche 1

soooodeli, die ersti ganzi Arbeitswuuche hätti hingermr....
wenn nuem dä cheibe Hueste nid wär.... würd mr aso scho nüt uusmache, wener plötzlech eifach wäg wär.. aber äbä gäu..... aso, die ersti ganzi wuuche z Bärn ir KITA isch aso shco relativ aasträngend gsy... *phui* muessmi äuä eifach no chli a dä neu Rhythmus gwöhne und a aues wo no so nöi isch u so... aber immerhin kenni langsam mini Arbeitskolleginne mit Name... oder ämu so haubwägs, kenne aui Chind u langsam so chli ihri Eigeheite und vorauem weissi öppe afe weli Mamis u Papis zu welem Chind ghöre u so... *hehe* mit de Mami u Papinäme fahni de ono irgendwenn aa...
ja... u wasi ono usegfunde ha... ig nime iz nüm dr IC Thun-Bärn... dä cheibe Zug isch immer däräwä vougstopft am morge... das bruuchi aso nid.... dr IR fahrt nume 3 Minute speter u hautet no schnäu chli z Münsige... derfür hani meistens es Abteil für mi und mini Rueh! =) ah u usserdäm isches a heisse täg nid so dicki Luft wüume cha d Fànster uufmache *freu*

ja... was chönnti euch süsch no so verzeue??? hm... villich interessierts ja garniemer wasi da schlaus oder wenigerschlaus z verzeue ha... bö...?? eh ja... häbet ämu mau es gäbigs Weekend und duet nid z wüescht u loset flissig musig *hehe*

der totale Einstieg.... oder iz faht dr Ärnst vom Läbe aa....

aso... die letschte zwe Täg heisech ja definitiv grad zimlech vo de letschte Wuuche unterschiede!
hani doch iz es schöns Zitli Ferie u Plöischlerläbe gha... das hetsech iz definitiv gänderet am Donnstig.... aber mau ganz vo vore...

Am Donnstig bini mitem 8i Zug uf Bärn gfahre u ha mini Strecke-Abi-Prömiere gfiiret... oder so... ;) u när bini mau gmüetlech zur Insu gloffe dassi ja nid z früech dert bi.... när so um die 9e ume heimr mau aagfange... sy no 7 anderi Praktikantinne dert gsy wo o wie ig neu aagfange hei...
irgendwenn mau so gäg die 11e oder so bini de übere y Pavillon zue Pingus -- so heisst "mini" Gruppe woni iz de schaffe.... när symr no chli use y Räge mitne, chli ga Glungegumpe! :D aso mir... das sy gsy d Kathrin wo für mi verantwortlech wird sy y däm Jahr, d Zwillinge Hamza und Bilal, dr Samuel und d Eliane, dr Samdup, dr Leo und ig.... mir sy när du wieder zrügg id Kita ga zmittag ässe....! u am nami symr zäme nomau use gange... symr uf z Bettehochhuus vor Insu ga es Sirüpli trinke mit üsne Knirpse u aaschliessend heisi no chli dörfe im Garte spiele... :D
dä erst Tag het mir sehr gfaue u glich isches haut öppis no chli Gwöhnigsbedürftigs... aues isch irgendwie neu und ig ha so vo zimlech auem so chli ke Ahnig.... u bi haut no nid so säubständig... *grr* aber geit de scho... schliesslech cha das ja nid scho am erste Tag so vertrout sy u so... eh ja... ig ha a däm erste Tag bis am 6i gschaffet u grad bevori gange bi, hani no d Kathrin gfragt wies usgseht wägem Ferie näh y dere Wuuche wo z Chinderlager isch... aber äh was fürne Mist, genau y dere Wuche het shco öpper Ferie... *grrr* de cha ig nid ono Ferie näh... mega schad, hani dänkt... chani dämfau nid iz Chinderlager ga... *traurigsei* aber ja... de isches immerhin klar, dassi iz Radical wott ga.... muessi nume de gly dert Ferie iigä u hoffe, dassi denn när o würklech darf Ferie näh... ;)
eh ja... uf jedefau bini när mau a Bahnhof gloffe u mitem nächste Zug uf Thun gfahre.... dert bini grad diräkt id Heilsarmee wüumr ja am 7ni hei Lagersitzig gha.... die isch när ono rächt lang gange... so bis am 11i oder so.... *huch*... u vorauem hetsmi grad mega gnärvt, dassi bi au dene coole Sache womr zäme planet hei nid wirde chönne derbii sy..... *gränn...* gloube z Vreni isch o grad chli entüüscht gsy, dassi nid cha cho.... aber ja... weiss haut o nid... aber ig wirde luege, dassi glich so viu wie müglech irgendwie wirde chönne derbii sy....! we'll see.....

ja när am Fritig, aso gester... bini ufe 7niZug u ha am 8i aaafah schaffe.... Hela und Amine sy scho da gsy woni cho bi... Samuel und Eliane sy chli speter cho u irgendwenn isch ono dr Yannik iitroffe.... während däm d Karin mit ihne z Morgekreisli gmacht het, hani e haubstung Pouse gha u när symr zäme use ufe Friedhof ga spaziere u ga d Fische luege im Brunne... wome nid gseh het wüu z Wasser so hässlech bruuch gsy isch... *hehe*
zum Zmittag hets Ebli gä wo d Chind nid sooo wahnsinns gärn gha hei... ;) när hei d Chind Mittagschlaf gmacht bis öppe so am haubi 3 u ja... när hets scho bau gly mau z4i gä und so... u de isch när gly mau scho 5i gsy u d Schdeff het chönne ga... das heisst d Schdeff isch z Bärn ufe Zug y richtig Liestal! :D z Olte isch no dr Luki u dr Sam derzue cho und so symr irgendwenn mau z Liestal aacho u hei no ufd Melinda gwartet für när mau loszloufe y richtig Vineyard-Liestal wo z Music&Gospel-Arts-Konzärt gsy isch... aso ja... wemrs gfunde hätte... *gg* mir hei zersch z haube Quartier abklapperet bevormrs gfunde hei... ;) derfür weissi iz wo d Zeugen Jehovas ihre Königssaal hei z Liestal... *lol*
Aber ja... z Konzärt isch när ämu mega cool gsy! *freu* hamrs zwar chli anders vorgstellt gha wüu das letscht jahr isch würklech ganz anders gsy... aber so wie sies das Jahr gmacht hei, isch uuh cool gsy! :D vorauem am Nath sys Lied isch hammer gsy!
jaja... när het du dr Luki nachem Konzärt gfunde är fahri de mit dr Damaris hei... da hani afe mau grad chli protestiert.... wott dä Gentleman mi eifach ganz allei mitem Zug la heifahre *tz* soöppis... *gg* aber tja... de hani zmingst mini rueh bim heifahre hani gfunde... *hehe* aber när het du d Jessi und Tina gfunde sie fahri o mitem Zug hei u de heimr abgmacht zäme heizfahre.... ig bi du när no mitem Sam und dr Melinda y Mäc öppis ga schnouse u när symr a Bahnhof ga uf Jessi warte... irgendwenn hani festgsteut dassmr d Claudia het es sms gschribe gha dass d Jessi mit ihre fahrt u dass sie mi chönnte cho hole wenni wott... u so isches cho, dassi du mit Claudia und Bila heigfahre bi und sie mi grad heigsteut hei! :D hani nidemau meh müesse heiradle... *freu* iz hani eifach no mis Velo am Bahnhof.... aberja... s git ja no soöppis wie Rollerblades :)

uf jedefau... die zwe Täg sy grad meh aus intensiv gsy u so... aber trotzdäm cool! aber bi de schono froh, wenni wieder chli meh zit für mi ha.... ;)

Alive-Konzärt und co.

*höhö* gester isch wiedermau sone vougstopfte Tag gsy ;)
am vormittag hani no chil chillet aber när grad nachem zmittag isches losgange:
zersch bini id Heilsarmee mini bastleti Wettbewärbschischte ga hole hase a Bahnhof treit... irgendwenn mau so fach am Bahnhof hani müesse feststelle, dass dr Bode definitiv z heiss gsy isch, zum dr ganz Tag bluttfuess umeloufe... hani haut äbä de doch no müesse Schueh aalege... ;)

ja, när hani afe die Chiste mau irgendwo deponiert, dass sie nid im Wäg isch bim Bühni uufstelle und dass sie nid öppe scho kabutt geit... derwile hani afe mau die erste Lütlis troffe... henne cool! überau hani no irgendöpper kennt oder gseh, woni scho uuh lang nüm gseh gha ha... *goiss* zum biispiel d Sarah! *ganzfestfreu*

ja, när hani no dr Kusi troffe u är het grad no verzeut, was mit dr Xenia gsy isch... so cool, Gott isch eifach einisch meh richtig boooooooooooooooooooooaaaaaaaaaah!!!!! Sie sy mit ihre zum Dokter gange gester morge mit verdacht uf Trummufäuriss! :-o u dr Dokter hetse id Insu gschickt u gseit, sie heig e Trummufäuriss! *ääh* derwile dass sie sy id Insu gfahre hei die andere Alivler Gebätsgmeinschaft gmacht, u die ir Insu hei ke Trummufäuriss, nüt gfunde! =D

ja, ig bi när mau zum Pröntu übere gange ga ufe Rubä warte... mit ihm bini när no chli ga d Stadt unsicher mache! Das heisst, zersch symer oder ämu är ga z Migros lärchoufe oder so... u när heimer no z CoopKyburg bsuechet, wo Rubä festgstellt het, dassme nid sött es Migrosprodukt ime CoopKüder wöue entsorge... *lol* Wyter symr oder sägemr är isch ga gäud abhebe.. aber o das isch nid ganz eifach... *hmmmm?* u när symr los uf Chleidersuechi... aso.. am Schluss isch Rubä y bsitz vo es paar neue Chleidigstück gsy... aber Hose? tja... ;)
irgendwenn symr no im Manor glandet u es isch du scho bau 4i gsy u ig bi losdüüset ufe Aarefäudplatz mi Poste ga iinäh u ga sones rEVOLution-Tshirt aalege... :) u mau ga luege wasi z tüe ha... oder nid z tüe ha... *gg*
Rubä ishc när noeinisch chli ga iichoufe u so... u ig ha mau gluegt, dass üses Züg louft u ha hie u da aune lütlis mau chli hoi gseit u so... u mini "mitarbeiter" mir Shirts uusgrüschtet... :)

Am 5i het när z Konzärt aagfange... eiglech här dr Andrin no söue cho... hm... aber irgendwie hanine niene gfunde us some irgendwie Grund.... ha när Rubä gseit, är söu mau chli ga sueche... aber är hetne aso o nid gfunde... heterim haut du aaglüte u mir hei festgstellt, dass sie dr fausch Zug gnoh gha hei... *suppaaaa* aber är isch du ämu ono cho... irgendwenn... :D
z Konzärt ishc supppiiii gsy, u ig ga hüt nograd einisch ga los z Bärn! *freu*

Nachem Konzärt bini när no es zitli dert gsy u ha mit au dene Lütlis chli plöiderlet! S isch eifach immer wieder cool...! irgendwie isch das eifach wie e riesigi Fämäli u es isch eifach dr Hammer! :D U iiimmer lereni wieder es paar neui Lütlis kenne *hehe* das isch ono so öppis positivs! uf jede Fau, das isch eifach ume mau sone richtige Hammertag gsy! =) Merci Gott! :D

Basu-retour y 6 Stund

*hehe* gester isch wieder mau sone Tag gsy..... ha gfunde, ig müessi mis Gleis7 chli bruuche u bi zum Chris gfahre... aber dassi äbä z Gleis7 cha bruuche bini natürlech ersch ufe 7ni Zug....

Bini aso mitem Velo gmüetlech a Bahnhof gradlet u när dert ufe Zug.... aber oh schreck!! Hei die doch tatsächlech alli Rekrute scho am Fritig aabe la heiga... iz chöiternech mau dä Zug vorstelle... überau wod hesch häregluegt Rekrute *äääh* eine die grösseri Schnurre aus dr anger... *ach-Männer*
Immerhin hanimr no chönne es Sitzplätzli ergattere! =)

eh ja... z Bärn sy när eh fasch au uusgstiege u es het es bizeli rueh gä... gloube vorauem z Groseli vis-a-vis vo mir isch gottefroh gsy.... die hetsech zümpftig uufgregt gha *gg* sie isch ganz erliechteret gsy, wo au die Rekrute usem Zug sy z Bärn... umsomeh het sie sich gnärvt, wo scho die nächste sy iigstiege u genau im Abteil vis-a-vis vo üüs häreghocket sy... *gröl* aber das sy zum glück mau ändlech es bizeli aaständegi Rekrute oder süschtegi Militärheinis gsy... uf jedefau heisi Gsprächstheme mit Niveau gha u sy nid so lut gsy.... eifach normau haut... :D welch ein Glück... das Groseli hät das äuä süsch nid überläbt bis Basu...

eh ja uf jede fau bini öppe so am haubi 9i de mau z Basu SBB-Bahnhof aacho... hani mau nacheme gäube Trämli mitem 10ni gsuecht... u när *huch* weli richtig muessi iz schoume??? ah ja... NID Dornach... *hehe* aso.... z erste 10ni wo isch hät zwar die richtigi Richtig gha u so, aber es isch Oberwil und Depot gstande... hani nid gwüsst obi iz da überhoupt darf iistige... *hehe* aber ha när eh usegfunde, dass Oberwil sowieso zweni wyt gsy wär.. hätti no müesse loufe *hrhr*
irgendwenn isch du ämu mau mis Trämli cho u ig bi mau so chli iz Basu Land tschödderlet u öppe so am haubi 10ni bini ändlech bim Chris aacho...
ja... när heimr chli plöiderlet u so... u ig hanim no z last.fm zeigt ==> är isch gd vou Fan scho *höhö*
u äääh *goiss* när isch doch das tatsächlech scho so schnäu haubi 11i gsy u ig ha wieder müesse ga... dä cheibe stress geng....
bini aso wieder losgloffe uf z Trämli u när grad ufe Zug und ab nach Thun....

Bini aso da mau so gfahre... u irgendwenn ischmr zSinn cho... Rubä het doch uf Bärn wöue... hm... dä chönnt villich o uf däm Zug sy de ab Bärn... aso SMS schribe... *hehe*

när bini z Bärn im Bahnhof stande.... Abfahrt 00.09 .... naja... 00.13 symr immer no gstande... *??* heieiei... irgendwenn isch de mau e Durchsag cho.... *meine Damen und Herren..... wegen einer Verspätung eines Anschlusszuges wird dieser Zug um ca. 20 Minuten verspätet sein* ja... supppppaaa! wartemr haut.... isch es riisegstürm worde du... heieiei.... d S1 isch ufem gliche Gleis gsy wie üse Schnällzug und d Lüt sy fausch iigstiege undundund....
eh ja... mit 17MInute verspätig symr du ämu glich irgendwenn mau no losgfahre u irgendöppis vor de eine bini z Thun usem Zug gstiege... :D

Aber ja... när isch ja de aber z töllste ersch no cho....!!!!! :O
woni zum Velo chume..... mini Rägehose u mini Rägejagge woni ime Sack ha ufem Velo glah... toll... wäg....!!!!!! *nerv* häts haut villich glich nid eifach so söue druffe lah.... *hrmpf*
tja.... hoffemr es heigs wenigstens öpper klaut wos würklech nötig het..... aber gnärvt hets glich grad rächt!!!! aber was wotsch gäu... iz weissi ämu, dassi das nüme mache.....
ja... när bini du haut mau wieder heigradlet u irgendwenn bini sogar no zum schlafe cho.....

voooooooou gechillt! :D

*hihi* aso ja.... Rubä u ig hei gfunde, mir chönnte doch zäme öppis aastelle... aso... was chönntime de? mitem Gleis7 ga dür d Schwiiz fahre u luege womr lande? aber mist.... wär de dumm wemr plötzlech nüm würde heicho... *hehe* me chönnt aber o iz Chino...? hm.... aso ja... mir chöi ja de spontan luege.... bini aso afe mau zu Rubä gfahre gester gäge aabe....
när heimer beschlosse mir gö mit sire Schwoo uf Bärn so ane Spiuaabe.... symr aso mit de Velos uf Thun a Bahnhof gfahre.... Rubä mit mim u ig mit sim chline wüu är mit sim Chneu no nid het chönne mitem chline fahre....
Z Thun symr no schnäu ga es Dürüm hole... aso ja schnäu.... wenn die änglischeTouriste nid gsy wäre, hätme chönne säge schnäu aber so.... naja.... när symr ufe Zug... hei d Velos natürlech mitgnoh wüu mitem Gleis7 chame ja z Velo o mitnäh! :D
Z bärn symr när mau afe zur Sarah (Rubäs Schwost) id WG gange u heis chli gmüetlech gha... när symr de mau irgendwenn losgloffe a dä Spielaabe.... Symr da aso mau chli gloffe u so... u irgendwenn heimr afe nüm so gwüsst womr iz düremüesse wüu d Sarah isch ono nie dert gsy.... irgendwenn symr ämu afe bim Rosegarte glandet u ja... villich isches ja dert??
nüt gsy... aso symr wyter abe gloffe u hei nüt gfunde u när noeis telefoniert... okee..... mir müesse wieder aues ufeloufe... guet... aso... Paradiesli heisst das dert.... gömr doch ga z Paradiesli sueche! :D
Obe heimr ämu du aagschribe gseh... no rächt gross "Paradiesli" =) dassmr das nid scho vorhär gseh hei... aber ja.... symr dert mau die strass ufegloffe... aber hööö? niene es Restaurant oder so... wases ja eiglech irgendwie het söue sy.... u womr z oberst öpper gfragt hei, heter gmeint das syg unde ar strass.... symr aso wieder abe u hei so fasch unde ar Strass e Huusiifahrt gseh... aber oh schreck, da chöme grad zwe Hünd cho kläffe... isch äuä Privat hm.... aber heieiei unde ar Strass isches o nid....!!!
symr haut nomau dert zu dene Hünd gange u da het du öpper de Hünd gseit sie sölle schwige! u tatsächlech was findemr im Gärtli dert vore usse im Dunkle??? es paar Lütlis! *freu* gefunden!!

Heimr aso de mau dert es bizeli plöiderlet im Gärtli u sy du när mau no ufegange y Dachstock.... dert symr mau chli ad Bar ghöcklet u hei öppis trunke u plöiderlet u so.... eiglech symr ja cho zum spiele.. aber viel gspielt heimr ja nid... die einte sy chli am Pokere gsy.... u ja... bö... isch glich no gmüeltech gsy dert.... Rubä het du irgendwenn no e Gitarre gfunde u het no chli gspielt....

Eiglech heimer ja no am aabe mitem Gleis7 wieder hei wöue... aber de hättemr shco irgendwie am 12i ufe Zug müesse, hät chli aagschisse u drum heimer spontan beschlosse bir Sarah ir WG z pfüüsele....

symr aso irgendwenn mau so gäg die drüü oder so wieder zrügg gloffe gmüetlech... Ir Chuchi symr no chli "ghängt" u hei no chli gsprächlet dr Rubä u ig...bismr mau gfunde gha hei es wär villich nid shclächt chli z pfüüsele.... :D

Ja u hüt morge symr irgendwenn de mau losgfahre mit de Velos... zersch mit dr Sarah uf Bärn id Stadt ga luege wo sie büglet u so... u när sy Rubä u ig mit de Velos mau y richtig Thun losgfahre... *hehe* gmüetlech gmüetlech ! :D z Heimbärg heimer när no e zwüschestopp gmacht bim Chrigu wüu dr Rubä mit ihm no het müesse bespräche wägem SOLA u so... när symr wytergfahre mit üsne tolle Göppeli gäg Thierachere! :D

Isch aso gaaaaanz toll gsy *hehe* das müessemr wieder mau mache... .oder süsch irgend öppis aastelle... =))))

Friends about me

hm.... villich chöi anderi über mi meh säge aus ig.... oder anders... *hehe*
ig lahmi mau la überrasche, wasdr so z säge heit zum Individum Homosapiens femininum Steff=)
chöit unde euer Kommentär abgä....