Zitat Alive UngarnTour 2008

Ismu: ja, aber Östriich isch ämu chliner als d Schwiz....!!??
Kusi: ja, sicher nid!!!
Ismu: mou!..... scho?? aha.... nei, sie sy im Fuessball weniger guet als d Schwiz!

Ismu: Hei Anita, iz hesch grad usgseh wie sone Psycho imene Horrorfium!... aso, nid vom Ussehe här.....!!

Chrischä: hei, da ligt ja no e ganze Ändi ume.....!

Ändi: Hockt no öpper duss?? De fählter dänn im Buss!

Säru: Lug, das isch iz e Ungarin...... die het ja ou Finger!!

Mir sy grad öppe 17 Stund Car gfahre (Thun-Budapest)
Luki: was, symr scho da?

Ismu: Hei, das Wasser hie isch irgendwie henne troche!

Ändi: Adonia isch eifach SCHWUUL!!!! Aues vo Adonia isch schwul!! Nüt vo däm het Eier!
Fred: aso.... Eier hetmr ja denn scho.....
Ändi: ja.... stimmt.... sogar ender no meh als wenn.....

Ändi: ja.... stelldr vor... die y däm Gfängnis sy ja zwungenermasse notgeil!!

Doemu: I heisse Dömu..... Dö-mu, aso zwöi Chüeh.....Ismu..... das wär denn die gfrohreni Chueh..... und Simu..... die wiiblechi

Doemu: Toy-ota...... iz hani grad dä Name begriffe..... das isch ungarisch und heisst Spiel-Auto!

mir sy z Vac im Gfängnis am Konzärt gä....
Chrischä: *tirigier* *flüster* mir gheie d Hose abe....... *tirigier* *flüster* i ha ke Gurt ann!

Steff: lug, dert chunnt ja scho üse Chauffeur....! :)
Lea: wele?? de Armin oder de Peter?
Sonja: aha...die hei Näme??

Ismu: hei, dert ar Schibe steit "the boss" !!
Chrischä: das heisst "dr Buss"!!!! ..... geng die Wäutsche.....
anderi: *lach*
Ismu: aaaah, dir sit gemein!!! I rede nie meh mit euch!

Steff: aaah.... mini Stimm het e Schade!!
Xenu: was? dini Stimm het e Schatte????
Steff: e Schade! nid Schatte..... das würd de süsch übrigens Mundgruch heisse u nid Schatte.....

Evi isch ihri Haar am frisiere
Ändi: das gseht geil uus!!! isch super!!
Evi: würklech?
Ändi: du singsch geil!
*hallo zämehang??*

Thomas: Chrischä, eifach no d Hose chli ufezieh..... süsch meine d Lüt es syg Kollekte....

Xenu isch am Filme im Car
Ismu: Hei, Xenia.... luegsch bitte, dass no chli Kasette blibt für die ganzi Reis? Mir hei drum de nume eis Kasettli!
Fred: Iz hörsch uf filme....! iz sy die andere dranne!
Xenu: wiesoooooo?
Fred: Wüu du hesch nid unbedingt so Talänt weisch..... Gott cha di ou anders bruuche!

Xenu: Steeeeff.... ig möcht dir "wo luegsch wieder häre" ufe Buuch schribe!!!

Marina: Aaah, es isch huere komisch! Am Tag chani im Car penne.... aber ir Nacht eifach nid!!!
Anita: *handaufmarinasstirnhaltentut* Du muesch stärbe! *traurig guck*
Marina: ah..... mit däm chani läbe....!
Anita: nei!!! du muesch stärbe!!

Anita: *sing* mir singe eis, wo aui chöi u we de das nid aui chöi *sing* ...... de gits Schleg!!!
Luki: *sing* baby don't hurt me! *sing*
Kusi: *sing* do you really want to hurt me....... *sing*

Diskusion über ungarischi Wörter.....
Szeretlek = Ich liebe dich (me seit Seretlek oder so....)
Chrischä: das tönt wie Benjamin Blümchen *törööö* isch ja mega unromantisch!

Nath: Now I look!

Ismu: wäääääääääääh, e mega schöni Spinnele!

Thomas telefoniert mitem András
Thomas: ja, wir sind jetzt da wo die Chilbi ist....

Chrischä: Hallo zusammen, wir sind Alive aus der Schweiz........ wenn euch unsere Musik gefällt, dürft ihr gerne mittanzen, mitsingen, umengumpen.... wie seitme das uf Hochdütsch??

András: ich nenne meinen jüngsten Sohn manchmal auch Bonustrack.....
isch es Nachzüglerli ;)
-----------------------------------------------------------

Zuekünftegi Blogiiträg

ig ha mir iz grad ganz fest vorgnoh, dass mini zuekünftige Blogiiträg chli ufschlussricher wärde u nüm sones Gstuss sy.... *hirni iischalte bim Schribe*!! :D

mau luege, wie das so funktionniert bi mir.....

Ottos Mops

Ottos Mops trotzt
Otto: fort Mops fort
Ottos Mops hopst fort
Otto: soso

Otto holt Koks
Otto holt Obst
Otto horcht
Otto: Mops Mops
Otto hofft

Ottos Mops klopft
Otto: komm Mops komm
Ottos Mops kommt
Ottos Mops kotzt
Otto: ogottogott

Ernst Jandl

Bandzitat

Kusi: du muesch luege, dassde so aafahsch, dassd schön ufe schlag fertig wirsch, du hesch ja nid e drüümeter Gitarre...! ..... u no wennd e drümeter Gitarre hättisch.... würdr nidemau öppis bringe... hätsch nämlech z churzi Arme!

N-Du: bruuchts mi als Techniker no y jedere Bandprob oder nid?
Kusi: grundsätzlech.... würdi säge, muesch du nid jedi Bandprob da sy....
Xenia: aber... mir heidi gärn! :D

Xenia het e Spongebob - Pulli anne
Xenia: da syt dir ja - mini Band!!!!
Kusi: genau... mir heisse iz: Spongebob und Band :D

bim Soundcheck...
Kusi: Luki... dini Gitarre tönt no wiene Rassierapparat!

Mir heis grad vom CDs brönne & co....
Kusi: e Chor dörft eiglech nid Note vom Peter Räber kopiere wemes sträng nimmt...
Fidu: de müesste halt alli CD choufe us lose u so lere... wüll brönne wär ja de ou nid richtig...
Luki: mou... innerhalb vo dim Bekanntekreis darfsch das!
Kusi: Fründeskreis! und das isch dr äng Fründeskreis gmeint.... Familie und ängsti Aaghörigi! Inerässensgmeinschaft isch nid Fründeskreis!
Fidu: ja.... süsch dörfte bir UBS alli enand CDs brönne.... :D


Luki: du verwächslisch üs mitere andere Frou (redt eiglech vo sich...)
Steff: ehm.... was isch mit dire Persönlechkeit passiert??

Luki zeigt am Kusi, waser für verschiedeni Delays cha zoubere mit sire Gitarre...
Kusi: öhm.... gits ds ou no in schön....?

Kusi: hesch du... hesch du...
Xenu: jaaaa! I hadi gärn!
Kusi: nei! hesch du e Mikständer?

Steff: es tönt wiene Flöte!
N-du: ehnder wienes Näbuhorn....
Steff: ja.... das hani gmeint....
N-du: das isch öppe z gliiche wie dr Zwisubärg und dr Mount-Everest.....!!!

Xenu: ig ha vom Luki es Komplimänt für Intelligänti übercho!!!!! *strahl* är het gseit: Schöni Jagge - sie passt zum Inhalt!

Xenu: single-bells.... *sing*..... hö? *abgröl*
Steff: eh.. isch iz das spontan gsy oder plant?
Xenu: spontan *immernovergröl*
N-Du: Das isch e IQ-Schueb gsy!.... obwou.... single bells widerspricht sich ja... eiglech....

N-Du: ....geng dä Anglizismus...!
Steff: geng die mit ihrne Frömdwörter!! das het sicher mit de Ängländer z tüe...
Xenu: nei... das het sicher mitem Fische z tüe...! :)
Kusi: ja genau.... eine wo geit ga fische isch när e Anglizist!

Fidu: Z angere chame scho mache.... I ha zwar Angst dervo... aber mir chöis mau mache...

Kusi: auso,... eiglech chasch du das dert ou so mache, dassd öppis dürerafflisch....

Kusi: Im Zwiifelsfall rocket das Ding!! schiessets ad Wand!!!!! Schmeissets a Bode!!!!!!!

Kusi: Mir sy e ROCKBAND!! u kes Früehstücksmorgechöörli!

Kusi: Du muesch uf die andere lose! u nid I mache mis Ding u näbe mir cha d Wäut unterga!

Xenu hocket am Luki ufem Schoss...
Xenu: Woooah, das isch no bequem....
Luki: I bi doch garnid so weich....?
Xenu: Mooou!.... du WEICHEI!!!! ...... ääääääh, du chräblisch mi!!! DUUUU FROU!!!!

Kusi: guet gsy..... näbst es paar private Unsicherheite....

Annemarie: Ja.. u mitlerwile isch sie ghürate und isch Tochter vomene Meitli....

Kusi: okee... machemr nume dä eint Kick u zwar nume im letzte Durchgang!!! Süsch isches inflationär!

Xenu: aaaah.... dr Kusi bezeichnet mi Normalzuestand als es Liide.....

Ändu: Lüku, die gsteigereti Stromerei isch geil gsy!

Kusi: ....z angere isch so: Judihui mir sy ou no tricky...

Xenia: Hei Steffi, du hesch ja schowiedr Naseblüete...
Steffi: ja...
Xenia: Iz hör de öppe mau uuf!

Xenia steit vorem Mischpult u luegt ihres Kabu aa
Xenia: eh..... darfmi mi da uuszieh?
Fidu: ja!

Kusi: du darfsch dä nid lenger la klinge als zwe Täkt!!
Luki: jaaa... i weiss... aber I ha dänkt, I lahs mau la druf ab cho....

Luki: Ig ha d Fige diräkt vor dr Bire!

Kusi: Neinei! Spiel das graad... das würkt süsch so übermotiviert!!

Kusi: We de d Lüt idr erste Reihe Naseblüete hei, de muesch de villich dr Regler es bizeli zrüg näh....

Luki: We Fidu nid spielt, de ghöreni mi eifach viel besser!!!

Kusi: I wott de eifach ke Gitarre ufem Monitor!!! Am Luki gäbemr hüt gloub gar ke Monitor..... *hrhr*

Luki: it rocks like the shit!!!!
Kusi: it rocks like the toilet.... !!! -- es rockt wie d Schissi!!!

Steff: wie mache mir da dr Aafang? irgendwie muess ig ja mi Ton ha.....
Fidu: Luki macht es Vorspiel....
Steff: aha... u wie läng?
Luki: nume da sones churzes Cherli....
Steff: ..... aha!.... oke......

Luki wett sis Gitarrekabu am Mischpult iistecke...
Luki: wo chani da yne?
Steff: weiss nid ob du dert drinn platz hesch....?

Luki: du, ändu.... chani d Steffi ono ufem Monitor ha??
Ändu: Steffi, gang hock schnäu dert uf dä Monitor.....

schlimm schlimm schlimm.....

meeeeeeeeeeeensch, das isch ja scho fasch tragisch...... :O
mi letzt Blog isch vom Radical, sprich vom OKTOBER!!!!!!!! u was heimr iz????? gly FEBRUAR!!!!!
woooooooooooooah..... wirds aber höchsti Zit dassi ume mau öppis da due ineschribe!
aso.... ig hocke iz grad uf mim Bett und schribe dr erst Blogiitrag mit mim neue Labtop! weisch wie cool!!!! ??
Bi aso mit däm neue superdubercompi seeeehr z fride u ha o ke krach mitem vista wie angeri lüt.... weiss nid was dir für problem heit *gg* mis vista isch seeeehr cool u cha aus! :D (mis bett übrigens ooo *gg*)

Ja.... was chönnti euch de eso verzelle vode letzte paar mönet???
aha ja genau.... es git iz ganz e cooli Band! sie het zwar no ke offizielle name... ussert the mäderfluus oder so.... aber ääää.... ja... wasi ha wöue säge, mir hei irgendwenn mau ändi Herbst üses Projekt mir mache e Lobpriisband gstartet u das Projekt fägt seeeehr ! :D mir spiele y folgender bsetzig:

Schuki Länk: Gitarre
Schavid Dmid: Zagschlüg
Mannearie Schmid: Piano
Lefanie Stiechti: Vocal
Aenia Xnneler: Vocal
Fusi Krei: Bass und cusical moaching
B-Du Nunner: Technick

faus euch irgend öppis speziells uufgfalle isch.... keine Sorge, das isch e Chrankheit aber isch nid zwingend aasteckend....

mir hei iz scho üse zwöit uuftritt hingeris... einsich heimr im Gottesdienst am sunnti morge gspielt... isch nid schlächt gsy für premiere und när heimr grad letzt samstig aabe am träffpunktgottesdienst gspielt u gloubi no rächt abgrockt! *jupidupijeeeee*
soooo... u das isches gloubi scho wieder gsy vo trick u track......

Radical

oooooou.... ig bi afe scho chli schlimm..... scho e wuuche wieder am schaffe u immer no ke Radical-Post gmacht.....

auso... Radical.... mir sy am Samstig morge irgendwenn nach de 7ne wo du aui sy iitroffe gsy z Bärn losgfahre... Yverdon- Gänf----- Gruissan.
irgendwenn am aabe symr ämu du dert z Gruissan iitroffe *freu* d Carfahrt isch uuuuuuh läng gsy... mri hei chli pennt (oders ämu probiert) les Daltons gluegt (uf Franz... was süsch *hihi*)..... plöiderlet,.... eh ja... äbä mir sy du ämu ändlech aacho!

när symr y üsi Bungaloos iizoge. ig ha mit dr Martina es Ehebett bezoge *hrhr* und dDalena und d Elisabeth hei zäme z zwöierzimmer y beschlag gnoh. När hets znacht gä u infoaabe....

Am sunnti morge bini när ga häufe z Surfzügs vorbereite.... Ufrigge und au das.... nachem Mittagässe isches när mit surfe losgange..... mis Sägu isch eeeeeegsdreeeeeeeeem schwär gsy... u iiiiiirgendwie bini aso nid sooooooo wahnsinnig zu viel cho.... ha öppe zwöimau e iz-schissts-mi-grad-aa-pouse gmacht.... aber ha du ämu wieder gwüsst wie das ganze öppe so funktionniert...... am aabe heimr ar Tabea ihres Bungaloo zum znachtässe iiglade :)
zwöi wäuschi und zwöi dütschredendi..... isch ganz e fägige aabe no gsy! =)

am mäntig hani när z Surfe la surfe sy u bi ga bike. Mir sy ganz es chlises Grüppli gsy.... nume dr Jöggu dr Dänu, ig u dr Xavier aus leiter.... aber isch meeeeega schöni Gägend dert zum Bike! u mir heis o unterenand supii gha! :) mir hei zersch e tour rund um die Seeä gmacht... u när symr no uf d Burg vo Gruissan ufe.... es het aangers gluftet dert obe u es isch rääääächt chaut gsy ;) aber me het e cooli Uussicht gha *freu*

d Stadt Gruissan








d Burg































Am Zischtig bini när wieder ga surfe! Windsterchi 5-6 niiiiiiiiiiiiiiiiiiiiiiiii schlächt! :D
oh schreck, das het de öppe blase das!! aber ig bi ämu glich zum fahre cho u has härebracht wieder chönne z chere und gäg die anderi Site z fahre.... bi aber glich.... ha äuä öppe dr haub tag im wasser verbracht u nid ufem brätt.... zudäm hanimr no d Füess ufgschnitte am bode wüui ke Surfschueh annegha ha.... tja... aber isch glich o e coole tag gsy! :D

am aabe heimr när gloubs no z Bungaloo 14 oder soo iiglade... ooooooh das isch öppe e lustige aabe gsy *freu*

am Mittwuch hets gschiffet.... u was macht Steff??? sie geit ga bike! :D aso... hät o chönne ga surfe... dert häts nid gstört... aber ha wäge mine füess nid wöue... drum bini ga bike u haut dert nass worde... mir sy so ufene Hügu ufegfahre.... so zumene füürüberwachigsturm ;)
Bilanz bir aakunft obe: Martina: Nass bis unter d Hut ;) Sam: o nass Steff: Nass u derzue mit Dräck vougsprützt vom vor mir platzende Veloreife Xavier: o nass und e kabutte Hinterradpnöö..... mir hei dert obe chli pouse gmacht, z4i gässe und chli d uussicht gnosse.... me het sogar düre Nàbu üse Camping gseh... *hehe* mir viu Phantasie hetme sogar üses Bungaloo gseh :D
Martina

















Sam















dr Xavier am Veloflicke















mir sy när wieder zrügggfahre ufe Camping... ga dusche u när hetis dr Sam zume Käfeli iiiiglade! *freu* isch uuuuuuuuuuuuuuuuuur gmüetlech gsy ;)

Am Donnstig het d Sunne wieder gschune und ig ha Beachathlon gmacht. mir hei es Turnierli ufem Beach gmacht mit Schutte, Volley und Chuckball :D
isch ganz e fägige nami gsy.... a däm aabe symr no bi Rubä und co im Bungaloo iiglade gsy zum Spaghetti ässe.... mmmmh... männer chöi doch no choche... *hihi*
jedefaus isch dä aabe o no lääääääääääääng u gmüetlech gsy... isch när no es angers bungaloo z bsuech cho chli cho gsprächle und so...

























Fritig..... letschte Tag..... hani dänkt... Ritte? siiiiiicher, chanimr ja nid lah entgaa oder?... mir hei gwartet und gwartet und gwartet.... aber nö... nüt gsy... dr Xavier isch när mit dr Nachricht cho.... dr Ritstall het Ferie.... tja... super!
me het du entweder chönne ga chlättere oder ufnes Trekking mitem Xavier.... ig bi du y däm fau haut no chli ga wandere anstatt ga ritte.... isch när du ono seeeehr cool gsy! *freu*









am aabe symr när öppe am 11i oder so losgfahre mitem Car y Richtig Schwiz.... toll....mi Sitz hetme nid chönne hinterelege...... zum glück hani es seeeeeeeeeeehr cools chopfchüssi näbe mir gha.... ;) gschlafe hani zwar nid so wäuz guet... isch scho nid soooo bequem gsy.... aber ämu besser aus ohni chopfchüssi *hihi*

so..... när symr am morge am 9i oder so z Bärn aacho.... u dä ganz spuuk isch verbii gsy.... *gränn* isch nämlech es uuuuuuuuuuuuuh cools lager gsy...! u wenn iiiiiiiiiiiirgendwie müglech wotti nächst jahr o wieder ga!!!!! :D

Machemr doch chli Feeeeeerie

Eiglech scho schlimm, dassi ersch iz, wo de mini Ferie verbii sy, derzue chume, hie über mini Ferie z brichte.... ;) aber ja gäu....
auso... ig fah gloub mau e Wuuche vor mine Ferie aa mit verzeue.... ;)

aso am Samstig gäge aabe bini mitem Chrigi uf Adubode ufegfahre für z Chinderlager..... Mir Leiter gö äbä immer scho am Samstig ufe.... u ja... da ig für die Lagerwuche kener Ferie ha chönne näh, bini haut nume so haubers derbii gsy.... uf jede Fau bini du am Samstig gäge Aabe ono dert obe aacho u es isch mega chaut gsy! ;) mir hei när z Huus iigrichtet und no aues erledigt wo no het müesse gmacht wärde.....
Am Sunnti Morge heimr e chline Gottesdienst gha für üs u när isches wyter a die letschte Vorbereitige gange, bevor när uf die Drüü die erste Chind sy cho (im ganze sys 58 Teilnähmer gsy! *freu*)

Da mir z Thema Schatzsuechi gha hei y däm Lager heimr am aabe schomau e Schatz gsuecht mit de Chind.... :D u nachem Znachtässe heimr no es Abeprogramm gha wosech d Chind hei chönne kennelere.... nachhär hani äbä leider schowieder müesse ga..... bi mitem Chrigi, em Mättu u em Jöggu irgendwenn nachem Aabeprogramm wieder gäg Thun gfahre..... am liebste wäri aber scho dobe blibe... aber was wotsch......
Am Mänti bini när ga schaffe... am Mittag no hurti ga iichoufe für z Lager (das wo no gfäut het *hehe), när am Aabe bini mitem Zug uf Thun, no id Heilsarmee ga sache hole u när diräkt wieder uf Adubode!
Wüus ir Kita so weni Chind gha het (sy aui ide Ferie gsy *hihi*) hani Zischtig Mittwuch chönne frei näh, u so bini ono derzue cho, das Lager chli meh mitzerläbe.....! *megafreu!!!!!* Am Mänti woni bi ufecho am aabe bini afe mau relativ stürmisch begrüesst worde.... *gg* d Chind hei när du iz bett müesse u ig bi aso du o froh gsy, woni bi iz Bett cho!......

Am nächste Tag heimr e grossi Schatzsuechi ufem Programm gha.... d Chind sy y verschiedene Gruppene zersch Quer dür Adubode ga die verschiedene Pöste sueche u hei mit jedem Poste o es Stück vor Schatzcharte gfunde. När heisi mitem Bähndli ufd Tschenttenalp gfahre.... dert obe heimr Picknicket.... ;) När isches äbe du wytergange.... nachdäm es paar geduldigi Chind die Schatzchartestückli zure Charte hei zämegsetzt gha, heimr chönne aafah dä Schatz ga sueche u sie heine du tatsächlich o gfunde! :D mir sy när aues abegloffe vo dere Alp u hei när ir nechi vom Lagerhuus znacht gässe bir Brätlistell.... *mmmmh* isch de mega fein gsy! :D

Am Mittwuch isch när Lagerolympiade gsy.... e ganze Nami mit Sport.... :D isch o ganz fägig gsy, obwou mi Job nid ganz esoooo sportlech gsy isch... *hehe* ha dr ganz nami 8Minute Spielzyt gstoppet........ ach... aber am Mittwuch aabe hani eifach shcowieder hei müesse.... *grrrr* wüu am Donnstig u Fritig hani äbä wieder müesse schaffe.... aso... z schaffe isch o cool gsy... aber wär haut glich es bizeli lieber im lager gsy... aber äbä.....
Am Fritig aabe bini zäme mitem Chrigi nomau uf Adubode ufegfahre u mir hei no chönne am Bunte Aabe teilnäh! isch mega cool gsy, au die Kiddies nomau chönne z gseh u so!.... Wüu d Tabea (wo bide Teeniemodis aube abgschlosse het am aabe) no mega het müesse packe, bi ig bide Teeniemodis ga abschliesse.... isch mega cool gsy, sy aues ganz zwägi Froue! :D
iiirgendwenn öppe am viertuab 12 isch du aues zämepackt gsy und öppe 1/3 vode Lagerleiter heisech vom räschtleche Team verabschiedet u sy losgfahre y richtig Thun.... ==> Radicals.... ;)

ja... irgendwenn so gäg die haubi 2 oder so bini ämu de dehei aacho u eifach diräkt iz bett ghüpft.... wüu ig ha am 5i wieder ufmüesse wüui am 7ni när ha müesse mit Sack und Pack z Bärn sy für iz Radical! so.. gloube für z Radical machi e neue Post.... *hehe*