come and make my heart your home

Come and make my heart your home Come and be everything I am and all I do search me through and through 'til my heart becomes a home for you A home for you - a home for you let everything I do open up a door for you to come through for my heart could be a place where you want to be

Das Lied isch mir sehr as Härz gwachse, wüus sone geniali Ussag het.
Es isch eiglech es Gebät - wo üses Läbe cha verändere...!

Chum und mach mis Härz zu dim Dehei

> we mir us eigeter Chraft so probiere z Läbe, wies Gott gfallt, de merke mir gly einisch, dass mir das nid chöi! S funktionniert villich es paar Täg, es paar Wuuchene oder sogar Mönet, aber nid aahaltend...
Aber Gott verlangt ou gar nüt settigs vo üs! är wett viu meh, dass mir üs freiwillig vo ihm lö la verändere!
ig gloube sogar, dass är sich mega freut, wenn mir üs entscheide, und ihn ylade, üses Härz z verändere - är macht das nämlech gärn!!
Eine wo dä Wunsch ou gha het isch dr David gsy:

Erschaffe in mir ein neues Herz o Gott,
erneuere mich und gib mir Beständigkeit.
Psalm 51.12

Dürforsch mi düür& düür

Ou das het sich dr David gwünscht! är formulierts so:

Durchforsche mich, o Gott, und sieh mir ins Herz! Prüfe meine Gedanken und Gefühle. Psalm 139.23

> mir Mönsche tändiere derzue, zwar mit Gott unterwägs z sy, aber glich no müglechst viel für üs z bhalte.
Ou bi mir gits immer wieder Bereiche y mim Läbe, woni merke, dassi Gott usschliesse!

Grad bsunders bi Sache, woni weiss, dass sie Gott nid eso gfalle....! öppe so, wies uf däm Bild rächt träffend dargstellt isch:

=> grad wüu mir Mönsche so sy, isches wichtig, dass mir üs immer wieder bewusst entscheide, üs vo Gott lah z dürforsche.
Düür&düür, das heisst: y ALLNE Bereiche vo üsem Läbe, ou y üsne Gedanke und Gfüehl!

Lah aues woni mache e Tür für di offebhalte

> mir Ménsche schaffes irgendwie e ungloubleche Huufe Mischt z boue, mir müssenis nidemau Müeh gä derbii und s funktionniert glich zimlech guet!
=> Ig stuune immer wieder, wie Gott sogar üsi no so grosse Fähler für irgendöppis cha bruuche...!! =)

mis Härz - e Platz wo du wotsch sy

> Es isch mi Wunsch für mi und für aui andere Mönsche, dass üsi Härze e Ort chöi wärde, wo Gott gfallt - e Ort wo är cha säge: Hie gfallts mir - hie blibeni gärn!

Was ändert sich, wenn wir unser Herz Jesus schenken?

Denn für ihn gilt nicht länger das Gesetz der Sünde und des Todes. Es ist durch eine neues Gesetz aufgehoben, nämlich durch das Gesetz des Geistes Gottes, der druch Jesus Christus das Leben bringt. Römer 8.2

Gesetz der Sünde und des Todes - Gesetz des Geistes Gottes... ein Beispiel zum Verständnis:

Wir alle kennen das Gesetz der Schwerkarft. => Es bestimmt, dass Dinge nicht in der Luft stehen bleiben, sondern auf den Boden fallen.
Es gibt aber ein zweites Gesetz: Das Gesetz der Aerodynamik: Wenn zB ein Helikopter den Motor startet und die Rotorblätter richtig installiert sind, kann er in der Luft schweben und gehorcht nicht mehr dem Gesetz der Schwerkraft.
Das Gesetz der Aerodynamik hebt also das Gesetz der Schwerkraft auf. Genau so hebt das Gesetz des Geistes Gottes das Gesetz der Sünde & des Todes auf.

Wer seinen selbstsüchtigen Wünschen folgt, der bleibt seiner sündigen Natur ausgeliefert. Wenn aber Gott in uns wohnt, wird auch unser Leben von seinem Geist bestimmt. Römer 8.5

Nun seid ihr aber nicht länger eurem selbstsüchtigen Wesen ausgeliefert, denn Gottes Geist bestimmt euer Leben - schliesslich wohnt er ja in euch! Römer 8.9a

=> warum sündigen wir dann trotzdem immer noch?

Dazu ein weiters Beispiel:

Ein Sklavenhändler hat seit Jahren eine Sklavin - er behandelt sie schlecht. Eines Tages taucht ein Mann auf, welcher eine riesige Geldsumme bezahlt, um die Sklavin zu bekommen.
Er geht zu ihr, löst das Seil um ihre Beine und sagt: Geh, wohin du willst - du bist frei!
Die Sklavin weiss nicht, wie ihr geschieht und aus dankbarkeit will sie mit ihrem neuen Meister gehen, um ihm zu dienen.
Sie geht mit ihm - er gibt ihr ein Zimmer, ein Bett, genügen zum Essen - alles was sie braucht.
Am nächsten Tag geht er mit ihr in die Stadt.
Die Sklavin staunt ab all den schönen Dingen, die diese Welt, die sich ihr neu geöffnet hat, zu bieten hat. Vor jedem Schaufenster bleibt sie stehen und staunt. Ihr neuer Meister geht kurz in einen Laden, um etwas zu kaufen - sagt ihr, er komme gleich wieder zurück.
Wo sie da so alleine vor dem Schaufenster steht und staunt, kommt ihr früherer Meister vorbei, sieht sie und ruft ihr zu, sie solle auf der Stelle zu ihm zurück kommen.
Und obwohl sie ihrem alten Meister nicht mehr gehorchen müsste, da er gar kein Recht mehr über sie hat, dreht sie sich um und rennt zu ihm. Warum wohl??
=> sie ist sich gewohnt auf die Stimme des alten Meisters zu hören und sofort nach seinem Befehl zu handeln.

Auch wir Menschen sind uns die Stimme unseres alten Meisters gewohnt - die Stimme des Bösen.
Wir hören immer wieder darauf, was Satan uns zuflüstert und handeln danach - weil wir es uns gewohnt sind.
Wie wäre es, wenn wir uns im Alltag viel mehr hinterfragen würden und uns überlegen, wessen Stimme wir gerade hören? Die unseres alten Meisters, oder die unseres jetzigen Meisters?

neui Plattform für Zitat

Hallo allersits....

Ig ha scho es paarmau drüber nachedänkt, mini Zitatesite ufene separati Site z verlege, dassi die aktuelle Zitat immer untereme neue Post cha veröffentliche, so dassme dr Blog cha abonniere und när e Nachricht überchunnt, wenn ig die neue Zitat ufelade....
ab hüt findetme mini Zitat unter folgender Adrässe:

http://schdeffzitate.blogspot.com

viu Spass wyterhin :D

wieder mau zwöi Videöölis... :D

Ha vori grad no zwöi Videöölis gfunde, wo eiglech no da uf mi Blog sötte:

Aaleitig wieme es Windredli zum dräihe bringt dür Suuge.. :D




Wär schaffts übernes Nötli z hüpfe, ohni d Zäihe loszlah? isch das überhoupt müglech????

bi chli spät....

Sorry zäme... ig bi e chli spät dranne.... aber hie chöme die äbä scho nüm so nöiste News bezüglech mim blaue L hinde am Outo!
Am 25. Septämber am morge am 7.10 hanimi miteme Expert ufem Biifahrersitz vorem Verchersprüefzäntrum wieder gfunde.... dr Herr Von Gunten, wiener gheisse het, isch ganz e gmüetleche und liebe gsy, miteme witzige Humor u mir hei ganz e lockeri und aagnähmi Fahrt gha :D Ha zwar einisch nid die richtigi Usfahrt gnoh bim Kreisu und bim rückwärtsfahre überne Chrüzig es Grosi masslos verwirrt, aber gfahre bini guet und wo mr wieder sy zrügg gsy, hetermr gratuliert :D *ganzfestfreu*

Iz die offizielli Warnig a alli Outomobiliste oder süschtige Strassenutzer! Es het e frei umefahrendi Outomobilistin uf de Strasse, auso nähmetnech in Acht!!! Dr Luki het scho müesse mit mir ines Outo höckle und het vorhär gmeint, sys ganze Vermöge würder ar Heilsarmee vermache und sini Läbere dörfime bruuche.... *pfffft!!* aber d Kiddies im Chinderlager heimr gseit, ig fahri garnid so schlimm ! *freeeeu*

eh ja.... u wes öpper säuber wott teste, de söllersech mau mälde.... *lol*

mir loufe mau ume See, okee???

Aaaauso... so wunderbar schön isch ja z Wätter hüt nid grad gsy.... aber was lahtmesech nid alles la yfalle, wenn e Näbudechi üsi schöni Wäut bedeckt??? isch doch ganz klar: me louft eifach mau los bises nüm wyter geit oder bis es Schwarzes Loch eim uuffrisst, oder bismr am ander Ändi vom Urknall aachöme.... oder villich ou eifach bis eim d Füess weh tüe....

das wieder um wäre de, fausme dr Wägberächnig vo google-maps Gloube schänkt, ganzi 9.1 Kilometer. Konkreter uusdrückt:

Start: Thun, Bahnhof, Kusi-WG
Ziel: Bushaltestelle Ralligen, Merligen
Bildlich: Karte

ja... u was machtme när, weme dert ar Bushaltestell fasch 15 Minute muess warte, bis dr Bus chunnt, und me scho fasch am verhungere isch?? me tröimt vo Wildsöi ufem Täller, riesige Burger wo vorem geistige Oug verbiiflüge und "Friss mi" säge.... oder so ähndlich....

Mitem Bus symr när fasch 30 Minute zrügg gfahre uf Thun a Bahnhof u vo dert uf fasch diräktem Wäg iz Morris ga riiiiiiiiiiiiiiiiiiiiiiiiiiiiiiiiiiiese Burger frässe :D ah und ga interessanti Gschichte entwärfe.....
















für vergrösserig: bild aacklicke








okee... und iz no es anders Bild.... hetis rächt deprimierend dünkt:
uf dr Tafele obe am Huus steit: Alters- und Pflegeheim Sonnhalde
wie viel Lüt heisi ächt dert ygsperrt??

Schwarzes Loch auf Ebay

Woni hüt im Zug ha Zitig gläse, hani abem folgende Artiku schön müesse grinse:

Ich glaube, es ist aus Cern.» Mit diesen Worten preist Verkäufer «egamer90» sein Schwarzes Loch auf Ebay an. Das «recht junge Schwarze Loch» stecke noch in den «Kinderschuhen», den Artikelzustand beschreibt der Verkäufer als «gebraucht».

«Das Schwarze Loch isst momentan noch sehr wenig – es haben ihm ein paar Krümel pro Tag gereicht. Füttere es seit gestern nicht mehr, da ich Angst habe, dass es mir bald die Haare vom Kopf frisst», schreibt der Anbieter.

Bis heute Mittag haben bereits zwölf potenzielle Käufer ein Gebot für das Schwarze Loch abgegeben. Das aktuelle Gebot liegt bei 16 Franken. Ein absolutes Schnäppchen also! (prp)

draussen geblieben...!

woni vor es paar Täg z Thun im Coop no gschnäu öppis ha wöue ga z fuetere choufe, hani vo dere Situation würklech grad müesse es Föteli mache :D

Summerfest

am letzte Samstig heimr es Summerfestli vom TC und vor JG gha... weme de Tämperature gloubt het, isches zwar ender es Herbstfestli gsy ;)

Ei Teil vo dä Aabe isch dr Übertritt vo Simu u Mänu id JG gsy. Für das hei sie natürlech zersch müesse bewiise, ob sie ou riif sy derfür. Sie hei immer zäme gäg ei oder zwe JGler müesse aaträte, zum biispiel bim Outoschiebe, im Blindefüehre, im Quiz, oder de heisie no müesse Chräft mässe mitem Tinu. dr zwöit Durchgang vo fäm Chräftemässe heisi zwar när chli umfunktionniert, wiedr im Video unde chöit gseh.
Dr Abschluss vo däm Test isch e Muetprob gsy - wie die uusgseh het und usgange isch, chöiter ou grad säuber luege.... ;) *autsch*









aah ja, u wos du dunkuworde isch, hei no es paari aafah singe... aber das Video isch us persönleche Gründ dr Zensur zum Opfer gfalle......

erste Arbeitstag...

Hoi zäme.....

iz isches also sowyt und mini Zyt ir Kita isch ändgültig z änd.... *flenn* ha gester mi erst Arbeitstag gha im Tannacker z Moosseedorf uf dr Gruppe Gälb mit 8 Geistig und Mehrfachbehinderete Mönsche... wie dr erst Arbeitstag haut so isch... Vieli neui Gsichter u Näme woni schowiedr vergässe ha und viel neui Sache woni irgendwenn mau säuber wirde mache.... Im grosse u ganze isches e guete Tag gsy... abgseh vo mim nid ganz fit sy.... ha irgend e doofi Ohreentzündig - drum bini iz ou dehei u ha Zyt zum blogge.....

I schribenech de irgendwenn no chli meh über mis neue schaffe..... wenni de wiedr fit bi u mi so voll y mini neui Ufgab cha stürze! :D

E typische Sunnti....

ja... es git mi no! :D
u ig mäudemi wiedr mau für d Wält... (wän interessierts eiglech???? egau....)
auso... ig ha wiedr mau usgschlafe u bi ersch uf die 11e uf Thun gfahre..... (chunnt de süsch säute vor!!) uf jede fau symr när mau zäme zum Luki id WG ga ässe... u när irgendwenn heimrs tatsächlech no a See gschafft! :D Mir heis henne cool gha, hei bädlet und sy ganz seriöös gsy *rotwerd* da no es paar offesichtlechi "Bewiise"......






















die 7 Zwärgli... ?? ^^










Gruppefoto... iz sys scho meh als 7.....





































dr ganz Chor.... links d Froue, rächts d Manne..... :D











eh... Luki.... sy ächt das würklech DINI Flipflopps????

Alive-Teens

Alive-Teens..... maaaaaaaaaaaan, dir syt soooo coool! :D Bi a drüüne Konzärt gsy: z Bärn, Thun und Basu! u dir syt eifach soooooooooooooooooooooooooooooooo cool! u Tsenu isch dr haaammer! :D äi löööööf iuu! *härzli* du bisch die geilsti! *oberdrückispuddrrrrrrrrr*

weme d Polizei im Garte het...

Stuune duetme ja nid schlächt, wenn plötzlich zwe Poliziste im Garte stöh und meine üses Gartehüsli syg im Vollbrand.... derbii isch dr Grossätti nume wieder irgendöppis am röichere bi sine Biendli.... :D aber amüsant isches ämu gsy.... und när heisie ja no chli chönne übere Honig philosophiere =)

Neus vor Strass...

Hallo zäme... iz bini grad vore Outofahrt uf Vorderfultige und zrügg heicho (für alli die wo nid wüsse, was Vorderfultige isch hie klicke) u iz hani dänkt, weni doch scho grad no im Internet bi, chönnti euch doch mau wieder chli vo mine Fahrkünst verzelle... :D
Ig bi iz fängs drüümau bim Hansjürg (mim Fahrlehrer) gsy (Schliichwärbig: www.ga-ro.ch) und ga so viel wie müglech mitem Papi respektive mitem Papi und sym Ford-Transit ga umefahre :D
De machemr immer so die lustige Toure.... einisch übere Bälpbärg, Schallebärg oder mau chli dr Grundbach uuf und wieder abe... jedefaus hani gloubi scho rächt fortschritte gmacht :D *boah* ig bi haut scho guet! :D nei, seich.....

Wasi natürlech villich hie ou no muess erwähne, isch es Detail vo mire zwöite Fahrstund mitem Hansjürg.... (schliesslech het dr Jöggu mirs fasch nid wölle gloube, wonims verzellt ha) äbä.... y mire zwöite Fahrstund hani ganz es cools Outo dörfe fahre, u zwar e Nissan 350Z! isch scho no so cool gsy miteme settige Chäri z fahre, obwou is nid soooo wahnsinns ha chönne gniesse, wülli definitiv no chli uf viel anders ha müesse luege, als uf z coole outo... aber egau ! :D

so... u iz schiebenis iz Bett..... pfuuset guet

Schdeff-Festli

Woooooah, am Samstig, aso das isch gester gsy (füre dömu: gester bezieht sich ufe 05. Juli 2008), ha ig schomau mi 20igst Geburi vorgfyret! *goiss*

abde zwöi am Nami sy d Lütlis cho und gange und es isch mega cool gsy! danke allne wo sy verbiicho!! :D dir syt Schätz und ig ha euch alli meeeeeeeeeeeeega fest gärn!!! *oberdrücki*

irgendwenn zwüsche 1 und haubi 2 am Morge sy die Letzte wieder gange gsy (nachdäm sie mi no hei wölle iz Casino entfüehre! *quiiiitsch*) und när hei d Meli und ig no uufgruumet und abgwäsche, bevor mir üs im JGruum verkrüümlet hei und herrlech pfüüselet, bis nach ungefähr 5ehalb Stund scho mi Wecker wieder glütet het!

Ufstah, zmörgele und när ab uf d Bühni ga probe füre Gottesdienst..... isch cool gsy! :D *GedankenHeidi-sing* gäu Kusi?? :D

Ja... und nachem Gottesdienst symr abe ga käfele und Chueche foode u när ab zur Karen ga Pizza mampfe! *goiss* meeeeeeega fein gsy, Holzofe cha alles!

När symr nachem Dessert no chli veruse ga d Füess verträte und speter id Heilsi no ga e Film gugge.... Nachem Film heimr no chli umegspunne! *obervergröl*
aber lueget doch grad säuber :D

Gottes Herrlechkeit

I ha hüt bis am haubi 10ni VerkehrsKundeUnterricht gha und woni när mitem Velo ha wöue heifahre, hani folgendes gseh:

Gwitterwulche wo sich verzieh und d Sunne wo derhinder untergeit. Das isch so überwältigend schön gsy, dassi das ganze zersch afe mau mit mim Natel ha probiert z fötele u när bini so schnäll wie müglech gfahre, wülli eifach wäg de Hüser wo anduurend im Wäg gsy sy garnid richtig ha chönne über dä wunderbar Himmu stuune. Woni du aber d Allee erreicht ha gha, bini dert eifach e Rundi iz Gras ghockt und ha gstuunet ab dr Schönheit vor Natur und vo Gott! Dert z hocke und y dä Sunneuntergang z luege isch gsy, wie wenni diräkt id Herrlechkeit Gottes hät schönne luege!

mir isch när es Stück vomene Lied y Sinn cho, womr am Crea gsunge hei:

Unfassbar, so wunderbar
dini Liebi laht mi stuune
aagnoh sy vom höchste Gott
Herr, mir fähle d Wort!

Emashie

es isch iz scho meh als e Wuche här, woni no schnäu (bevori zur Marina gange bi) im Bibupanorama verbii bi und när het ufem Rathuusplatz e Band gspielt, wo mir grad total beiidruckt het! Das het hüüüüne angers geniau grockt! oder weiss ou nid wieme das söu säge.... rock isches ja nid gsy ;)
Jedefaus hani tatsächlech grad e Rundi müesse blibe stah!
Iz bini ändlech derzue cho, mau iz Internet mi chli ga informiere....

Die Band heisst Emashie, was e ghanaische Usdruck isch, wo so viel bedütet wie: öppis wo für immer blibt. Sie vermische Traditionell ghanaischi Trummumusig mit Rap, Funk und Soul.
D Band besteit us 5 Natione.
losetnech doch mau chli yne:

Mx3

Milch

luegetnech das aa....
E ganz normale Milchbütel usem Coop.... man beachte den grünen Balken!!

hei, symr am verblöde, oder wie heimrs?

CREA! *goiss*

Crea isch verbii..... *gränn* oah, aber es isch im fau esoooo dr Hammer gsy!!! aui zäme wo nid cho sy hei grausam viu verpasst im fau!!!! aber iz mau schön dr reihe naa!

Fritig aabe:

I bi mit Sami u dr Daniela mitem Outo häregreist. Mir sy aacho u hei när grad aafah Zält ufstelle.... aso ja... eiglech wär ja das dr Zältplatz "Herren" gsy.... isch schliesslech Jonis Zält gsy, aso isch das kes Frouezält! o wenn Froue drinne schlafe... odr?? egau....

am haubi 9i het när z erste Plenum aagfange mit coolem Worship mit Heimspiel, eme coole Input vom Hanspeter Royer, wo währendem ganze Crea d Inputs gmacht het, und vielem anderem.

När het zersch Volver - dr Gwinner vom letztjährige Crea-award gspielt und aaschliessend dr John Reuben us de USA! :D

Nach däm symr no chli umeghängt,... zersch dobe im Foyer u när symr abe zum Sändeturm, no chli ga Worshippe, bismr öppe so am 2- haubi3 y üsi Schlafseck gschloffe sy u pfüüselet hei... (u chli gfrohre.... *hehe*)

Tagesanektote: öpper wo wott ga Zäutle vergisst Mätteli u Schlafsack dehei... hmmmmm?

Samstig:

Am Samstig hets abde 8e Zmorge gä... mri sy am 10vor8i dert gsy und es isch scho voll gsy mit lüt am zmörgele!? aber mir hei grad no glück gha mit aastah.... die wo öppe 5minute nach üs cho sy, hei öppe drümau so lang müesse aastah weder mir.... *gg*

När isch wieder Plenar gsy. Dr Hanspeter het ume verzellt vom Verlohrene Sohn... Heimspiel het ume coole Worship gmacht mit üüs! und när bini iz Seminar: Alternativmedizin und Christlicher Glaube... isch cools seminar gsy! abgseh vom referänt wo tödlech öd gredt het! aber verzellt heter cools züg!

Am 12.15 heisech när d Realonelütlis bim Sändeturm troffe! mir hei chli plöiderlet u speter heimr no gruppefötteli gmacht :D Cool gsy euch lütlis wieder emau z gseh!

Am nami wäre eiglech nomal Seminar gsy, aber ig bi viu lieber no chli umeghängt mit de verschiedenste Lütlis.... zersch chli mitem Sam, speter mitem Chris, em Timon,.....
Irgendwenn het dr Crea-award aagfange und mir sy chli ar sunne ghöcklet u hei vo wytem chli zueglost... no umegfötelet und weissi was alles umeplöiderlet u viu glachet! :D

Irgendwenn no vorem aabeplenum hani zäme mit de Simmetaler, woni mitne cho bi und mitne ide Zält ghuset ha, znachtgässe! Fondue!! weisch wie fein? ufem Gaschocher *määämpfi*

Aabeplenum isch nomau e churze Inputteil gsy udn Worship... usserdäm heisie dr Creaaward vergää und d Rebecca St.James isch z Bsuech cho! sie het när nachem Plenum no es Konzärt gää :D Das isch meeeeega cool gsy!!! *freu*

irgendwenn wieder so gäg die 2e symr ume y richtig bett, nachdämmr no chli im grotte ghöcklet sy und plöiderlet hei...

Tagesanektote: eine het z gfüeu är müessi bim Sändeturm dert übere schreg beton ufechlättere, dass z abecho jenachdäm definitiv nüm gsund chönnt ände.... IDIOT!

Sunnti:


z Ufstah het aso nomau chli herter gha als am Samsti.... aber bi däm lärm hetme ja nid angers chönne... usser Sami het e Zettu gschribe gha, me söune ja nid vorde 9e wecke!!!!
Symr ume ga zmörgele u när isch Gottesdienst gsy. Dr Hanspeter het wieder ganz e cooli Message gha zum üs mitgä! :D

Nachhär symr ga üses Zäut zämeruume und hei alles Gepäck id Outos packt u hei aaschliessend no Zmittagnet u alles mügleche brätlet! :D

Bevor när z Schlussplenum gsy isch am haubi3 bini no ga e Crea-Huet und es Volvershirt choufe und bi no mitem Chris ga bätte. När het das Crea leider scho sys änd gfunde miteme sehr coole Abschlussplenum!

Tagesanektote: Dä wo gester so wyt ufeklätteret isch bim Sändeturm, mi hätt ufe söue ne ga abschlah!! (Zitat Beat)

Ja... .was söui no säge....? Z Crea isch eifach geniau gsy!!!! cooli Message, dr Hanspeter het e ganz e cooli art z verzelle! Obwou für z ganze wuchenänd rächt schlächts Wätter vorusgseit worde isch, hei mir ke tropf räge gha währendem ganze Crea!!!! am Samstig het sogar dr ganz nami d sunne alles gä mit schine! ersch am sunnti währendem abschlussplenum hets aafah rägne, aber denn hets üs nüm gstört wüume när nume no hei isch.... Gott isch eifach genial! Man... ig freuemi scho uf z nächste Crea!! *megagoiss* *ganzabartigfestfreu* ah u i freuemi uf d CD vo Heimspiel wo sie während däm Crea ufnoh hei! :D

Föteli sy ou online: Fotosite

*stink*

hüt morge, woni grad im Zug abghockt gsy bi und no gmüetlech chli ha wölle dööse het sich so eine näb mi gsetzt..... das wär ja no gange.... aber ig säge euch, när het dä gfurzet! das gieng ja no... aber das het gstunke!!! ig wär bau grüen aagloffe!!! man, soöppis isch mir iz aso scho no nie passiert!!! u das am Morge früech.....